radio NRV

 

radio NRV

Bondzoua, bouna né, d’amâ kuryà!

Léchichidè mè vo dèvejâ d’on mondo michtèryeu è majike: Radio NRV!
To d’abouâ, la Radio, l’è kô?

NRV, l’è oun’ètyipa d’èlévo dè 10h è 11h dou CO de la Vevéje.Motivâye è pyêna dè j’idé. L’i a apou pri 20 pèrchenè ke chè divijon in duvè grantè katègori konpyèmintérè : lè j’animateu è lè tèknichyin. L’è on travô d’inthinbyo, l’on ne pori pa chubjichtâ chin l’ôtro. Grâthe a chi lin majike, ma chuto avu l’anbiyanthe pètiyinta, nouthra tsêna youtube prèjintèrè totè lè chenannè di vidéo frètsè è bregolâyè.

 
 

Chon bin galé, avu no lè dzouno, ma chin nyon po no j’inkâdrâ, i vo lécho vo j’imajinâ chin ke chè pâchèrê, l’è po chin ke no j’an katro chuti profècheu po no j’idji din chi projè fou.

Kemin tsatyè armayi l’a fôta d’on bouébo dè tsalè, Big Mouchtatse no j’a inbârkâ din lè j’alpâdzo du kurti Doret.

Vo volê n’in chavê dèpye?

Vinyidè no vêre a la Méjon fribordzèje è on vo j’akuyèrè in tsantin.

Ma… che vo j’ithè tru kuryà, dèvorâdè ouna dè nouthrè vidéo?